METRO  Қазақстандағы тұрақты  даму

Жақсылық Себеті. «Жақсылық себеті» қайырымдылық науқаны мұқтаж жандарға азық-түлік көмек береді: көп балалы отбасыларға, жалғызбасты қарттарға, сондай-ақ балалар үйлеріне. Науқанға қатысу үшін жарамдылық мерзімі ұзақ кез келген өнімді арнайы бөлінген арбаларда қалдыру керек – Жақсылық Себеті касса аймағының жанында. Одан әрі Қызыл Жарты ай ұйымдары арқылы азық-түлік жиынтықтары өзінің қажетті мекен-жайларына жетеді.

«Мейірімді кофе» науқанының мақсаты – қоғамның назарын ауыр дертке шалдыққан балалардың мәселелеріне аудару және оларға тұрақты қолдау көрсету қаншалықты маңызды екенін айту. Біз оларға көмектесудің оңай жолын ұсынамыз - RIOBA кафесінде сүйікті сусыныңызды ішіңіз! Дәстүр бойынша науқан желтоқсан айы бойы, Жаңа жыл қарсаңында Алматы және Нұр-Сұлтан қалаларында өтеді. Осы кезеңде кофе сатудан түскен қаражаттың бір бөлігі балаларды емдеуге арналған қорларға аударылады.

Бренд бас-аспазшыдан шеберлік класы – аспазшылардың жаңа буынын дайындау. METRO-ның бренд бас-аспазшысы өз командасымен аспаздық колледж студенттеріне арналған шеберлік кластарына белсенді түрде қатысады. Студенттер халықаралық аспаздық стандарттарды меңгереді, іс жүзінде маманның жетекшілігімен кәсіптің қыр-сырын меңгереді.

Жасыл кеңсе – табиғатты сақтау және табиғи ресурстардың шығынын барынша азайту мақсатындағы бастама. METRO-да қоқыстарды сұрыптайтын жәшіктер, батареяларға арналған арнайы қораптар, сондай-ақ бүкіл кеңседе энергияны үнемдейтін шамдар орнатылған.

Экологиялық таза өнімдерді жеткізушілермен коллаборация (ынтымақтастық). Біз үшін тұтынушыларды тек дәмді ғана емес, сонымен қатар барлық сапа мен қауіпсіздік стандарттарына сәйкес келетін экологиялық таза өніммен қамтамасыз ету маңызды. Сондықтан біз өз өнімдерінің қауіпсіздігіне кепілдік беретін және құжат жүзінде растайтын өндірушілермен ғана ынтымақтасамыз. Green eco – Қазақстанда арнайы технологиямен өсірілген экологиялық таза өнімдер.

ХӘЖҚ-мен коллаборация (MASP)

2002 жылдан бастап Халықаралық Әлеуметтік Жобалар Қауымдастығы (ХӘЖҚ ҚҰ) Қазақстан аумағында белсенді жұмыс істейді. Бұл ұйым Қазақстан азаматтары үшін әлеуметтік жобаларды жүзеге асырады: аз қамтылған отбасыларға, ерекше қажеттіліктері бар балалардың отбасыларына, сонымен қатар ерекше қажеттіліктері бар жастарға арналған кәсіби курстар🙌🏼.

Курсты аяқтаған соң, балалар:

🔹жұмыс істеп, табыс таба алады

🔹 кәсіби жағынан өседі

🔹 достық және шығармашылық ортада қарым-қатынас өзінің дағдыларын дамытады

Алматы қаласындағы МЕТРО-да түрік және ресейлік өндірістің жоғары сапалы тоқыма бұйымдарының ішінде балалардың қолымен жасалған бұйымдарды сатып алуға болады.

Бұл өнімдерді сатудан түскен қаражат жартылай «Қашықтықтан қолдау» жобасы аясында Қазақстандағы аз қамтылған 180 отбасын қолдауға және көмек көрсетуге жұмсалады.

 «Қақпақтар өмір сыйлайды» еріктілер жобасын қолдайды, оның көмегімен ұйымдастырушылар адамдардың назарын экология мәселесіне аударғысы келеді, қалдықтар, атап айтқанда, пластиктер - қоқыс емес, жинап, қайта өңдеуге өткізіп өндірілетін қайталама шикізат, сонымен қатар қатерлі ісікке шалдыққан балаларға көмектеседі. Барлық METRO СО-да қақпақтарды жинауға арналған арнайы сыйымдылықтар бар, олар кейіннен Добряки қорының еріктілеріне беріледі.

Өз саптыаяғындағы кофеге жеңілдік. Алматы мен Нұр-Сұлтан қалаларындағы RIOBA кофеханасында өзімен бірге алып кететін өз саптыаяғына құйғызып сатып алған барлық сусындарға 10% жеңілдік береміз. Бүкіл әлем бойынша METRO пластикті тұтынуды азайтуға және ресурстарды тиімді пайдаланып, оны болашақ ұрпаққа сақтауға ұмтылады. Біздің үлесімізді одан да маңыздырақ ету үшін біз клиенттерімізді сусындар үшін бір рет қолданылатын стақандарды пайдаланудан бастартуға шақырамыз, осылайша ғаламшарымыздың сақталуына үлес қосамыз.

Кеңседе қоқыстарды бөліп жинау – қалдықтарды пластикке, қағазға, шыныға сұрыптау. Жинау қайта өңдеу және қайта пайдалану мақсатында жасалады.

Эко сенбіліктер – жылдың жылы мезгілінде METRO қызметкерлері танымал туристік орындарға сенбілікке шығып, қоршаған ортаны тазарту мақсатында қоқыстарды жинайды.